Panorama by ELIE SAAB: Dubayda Azərbaycan üçün Tarixi Təqdimat Gecəsi
18 noyabr 2025 — Sabah Investment Group, Reportage Group və ELIE SAAB-ın birgə təqdimatı olaraq Panorama by ELIE SAAB layihəsi Dubay Opera səhnəsində geniş rezonans yaratdı. Dünya səviyyəli gecədə edilən təqdimat layihənin miqyasını, estetik vizyonunu və strateji hədəflərini beynəlxalq auditoriyaya aydın şəkildə çatdırdı. Elie Saab adı ilə həyata keçirilən layihənin tanıdılması təkcə bir daşınmaz əmlak layihəsinin deyil, yeni bir həyat fəlsəfəsinin doğuluşunu anons etdi.
Memarlıq Vizyonun Təqdimatı
Dubay Opera binasında keçirilən gecə, Azərbaycanın ilk brend rezidensiyasını beynəlxalq arenaya çıxaran simvolik mərhələ oldu. Panorama by Elie Saab Sea Breeze-in 750 hektarlıq sürətlə böyüyən şəhər strukturunda xüsusi mövqeyə sahibdir. Artıq 3.5 milyon kvadratmetr tikinti həcmi və 35,000-dən çox sakini ilə regionun ən dinamik inkişaf edən məkanı olan Sea Breeze-də yerləşən layihə, şəhərin inkişaf xəritəsində dönüş nöqtəsi kimi çıxış edir. Təqdimat zamanı səhnələşdirilmiş audiovizual şou ELIE SAAB brendinə xas zəriflik fəlsəfəsini, memarlıqda səlislik və incəlik prinsiplərini, eləcə də layihənin lüks yaşayış standartlarına yönəlmiş konseptual yanaşmasını vizual şəkildə ortaya qoydu.
Regional Layihədən Qlobal Auditoriyaya
Tədbirdə dünyanın müxtəlif ölkələrindən gələn qonaqlar iştirak edirdi. Dubay Opera bu gecə təkcə bir təqdimat məkanı deyil, həm də ölkəmizin brend rezidensiyalar sahəsində yeni səhifə açdığını elan edən beynəlxalq platforma kimi çıxış etdi. Layihənin regionda ilk olması onun strateji əhəmiyyətini daha da gücləndirdi.
Brend Dəyərlərinin Səhnədə Canlandırılması
Təqdimat sadəcə bir şou xarakteri daşımırdı — tədbir boyunca nümayiş etdirilən vizual kompozisiyalar ELIE SAAB-ın dizayn fəlsəfəsini, lüks ilə minimalizmin balansını, harmoniya və incəliyi səhnə dili ilə ifadə etdi. Səhnə quruluşu, işıq dinamikası və musiqi seçimi ilə layihənin premium mövqeyi tam doğru şəkildə təqdim edildi.
Azərbaycanın Yeni Brend Gücünün Beynəlxalq Təsdiqi
Təqdimat gecəsi Azərbaycanın premium daşınmaz əmlak sahəsində qlobal miqyaslı layihələr ərsəyə gətirmək potensialını nümayiş etdirdi. Panorama by Elie Saab-ın beynəlxalq səhnəyə çıxışı, ölkənin böyük inkişaf ambisiyalarını, qlobal tərəfdaşlıqlar qurmaq bacarığını və regionda liderlik hədəfini aydın şəkildə ortaya qoydu. Bu hadisə təkcə bir layihənin deyil, Azərbaycanın yüksələn brend gücünün də təsdiqi kimi tarixə düşdü.
